Home കേരളവാർത്തകൾ വാളയാറില്‍ കുടുങ്ങിയവര്‍ക്ക് മാത്രം അടിയന്തര പാസ് നല്‍കാമെന്ന് ഹൈക്കോടതി; കീഴ്വവഴക്കം ആക്കാനാകില്ലെന്ന് സര്‍ക്കാര്‍

വാളയാറില്‍ കുടുങ്ങിയവര്‍ക്ക് മാത്രം അടിയന്തര പാസ് നല്‍കാമെന്ന് ഹൈക്കോടതി; കീഴ്വവഴക്കം ആക്കാനാകില്ലെന്ന് സര്‍ക്കാര്‍

30
0


കേരളം

ഹര്‍ജി പരിഗണിച്ചപ്പോള്‍ ഒരാളേയും പാസില്ലാതെ അതിര്‍ത്തി കടത്തി വിടാന്‍ സാധിക്കില്ലെന്ന് സര്‍ക്കാര്‍ ഹൈക്കോടതിയെ അറിയിച്ചത്. അങ്ങനെ വന്നാല്‍ മുഴുവന്‍ സംവിധാനങ്ങളും പരാജയപ്പെടുമെന്നും സർക്കാർ വാദിച്ചു

കൊച്ചി ։ കേരള തമിഴ്നാട് അതിര്‍ത്തിയായ വാളയാറില്‍ ഇന്നലെ എത്തി കുടുങ്ങി കിടക്കുന്നവർക്ക് മാത്രം അടിയന്തരമായി പാസ് അനുവദിക്കാന്‍ സംസ്ഥാന സര്‍ക്കാരിന് നിർദ്ദേശം നല്‍കി ഹൈക്കോടതി.

എന്നാല്‍, പാസില്ലാതെ ആരും വരാന്‍ ശ്രമിക്കരുതെന്നും വാളയാറില്‍ ഇന്നലെ കുടുങ്ങി കിടന്നവര്‍ക്ക് മാത്രമാണ് ഉത്തരവെന്നും ഹൈക്കോടതി ചൂണ്ടിക്കാണിച്ചു. കുടുങ്ങിയ മലയാളികളുടെ ഹര്‍ജി പരിഗണിച്ചാണ് കോടതിയുടെ ഇടക്കാല ഉത്തരവ് ഉണ്ടായിരിക്കുന്നത്. ലോക്ക് ഡൗണ്‍ നിയന്ത്രണങ്ങള്‍ക്ക് ഇളവ് വരുത്തുവാന്‍ കോടതിക്ക് സാധിക്കില്ല. അതിനാല്‍ തന്നെ നിയന്ത്രണങ്ങളുമായി സഹകരിക്കണമെന്നും ഹൈക്കോടതി ആവശ്യപ്പെട്ടു. ഗര്‍ഭിണികള്‍, കുട്ടികള്‍ എന്നിവര്‍ക്ക് മുന്‍ഗണന നല്‍കണമെന്നും ഹൈക്കോടതി ആവശ്യപ്പെട്ടു.

അതേസമയം, ഹര്‍ജി പരിഗണിച്ചപ്പോള്‍ ഒരാളേയും പാസില്ലാതെ അതിര്‍ത്തി കടത്തി വിടാന്‍ സാധിക്കില്ലെന്ന് സര്‍ക്കാര്‍ ഹൈക്കോടതിയെ അറിയിച്ചു. ഇനി ആര്‍ക്കും അതിർത്തിയില്‍ വച്ച് പാസ് നല്‍കില്ലെന്നും സര്‍ക്കാര്‍ അറിയിച്ചു. ഒരു ലക്ഷത്തിലധികം അപേക്ഷകളെന്നും സര്‍ക്കാര്‍ ഹൈക്കോടതിയെ അറിയിച്ചു. അതിര്‍ത്തിയില്‍ എത്തുന്നവര്‍ക്ക് താമസ സൗകര്യം നൽകാനാകില്ല. നിയന്ത്രണം ഇല്ലാതെ അതിര്‍ത്തി കടത്തി വിടാനാകില്ല.

അങ്ങനെ വന്നാല്‍ മുഴുവന്‍ സംവിധാനങ്ങളും പരാജയപ്പെടും. നിരീക്ഷണം കുറഞ്ഞാല്‍ കാര്യങ്ങള്‍ കൈവിട്ടുപോകും. ഇത്തരത്തില്‍ എത്തിയ പലര്‍ക്കും അന്യസംസ്ഥാനങ്ങളുടെ പാസ് പോലും ഇല്ലെന്നും സര്‍ക്കാര്‍ ഹൈക്കോടതിയെ അറിയിച്ചു.

ഇതേ നിലപാട് തന്നെയാണ് മുഖ്യമന്ത്രി ശനിയാഴ്ച നടത്തിയ വാര്‍ത്താസമ്മേളനത്തിലും അറിയിച്ചത്. കുടുങ്ങികിടക്കുന്നവരുടെ ഉത്തരവാദിത്തം സര്‍ക്കാരിന് ഏറ്റെടുക്കാന്‍ സാധിക്കില്ല. പാസില്ലാത്തവര്‍ തിരികെ പോകണമെന്നും മുഖ്യമന്ത്രി ഇന്നലെ പറഞ്ഞിരുന്നു.

Paytm Firstgames [CPI] APK


 

LEAVE A REPLY

Please enter your comment!
Please enter your name here