Home കേരളവാർത്തകൾ കോൺ​ഗ്രസ് പാർട്ടിയെ ആർഎസ്എസിന് വിറ്റ കെപിസിസി വൈസ് പ്രസിഡന്റിനെ പുറത്താക്കുക; കൊല്ലത്ത് ശൂരനാട് രാജശേഖരനെതിരെ പോസ്റ്റർ...

കോൺ​ഗ്രസ് പാർട്ടിയെ ആർഎസ്എസിന് വിറ്റ കെപിസിസി വൈസ് പ്രസിഡന്റിനെ പുറത്താക്കുക; കൊല്ലത്ത് ശൂരനാട് രാജശേഖരനെതിരെ പോസ്റ്റർ പ്രതിഷേധം

65
0


കേരളം

കൊല്ലത്ത് കെപിസിസി വൈസ് പ്രസിഡന്റ് ശൂരനാട് രാജശേഖരനെതിരെ പോസ്റ്റർ പ്രതിഷേധം. കൊല്ലം ഡിസിസി ആർഎസ്പി ഓഫിസുകളിലാണ് പോസ്റ്റർ പ്രത്യക്ഷപ്പെട്ടത്. സേവ് കോൺ​ഗ്രസിന്റെ പേരിലാണ് പോസ്റ്റർ.

ഇന്നലെ രാത്രിയോടെയാണ് പോസ്റ്റർ പതിപ്പിച്ചത്. കോൺ​ഗ്രസ് പാർട്ടിയെ ആർഎസ്എസിന് വിറ്റ് തുലച്ച, ആർഎസ്എസ് റിക്രൂട്ട് എജന്റായ കെപിസിസി വൈസ് പ്രസിഡന്റ് ശൂരനാട് രാജശേഖരനെ പാർട്ടിയിൽ നിന്ന് പുറത്താക്കണമെന്നാണ് പോസ്റ്ററിൽ ആവശ്യപ്പെട്ടിരിക്കുന്നത്. ഡിസിസി, ആർഎസ്പി ഓഫിസുകൾക്ക് മുൻപിൽ വ്യാപകമായി പോസ്റ്ററുകൾ പതിച്ചിട്ടുണ്ട്.

Ludo Supreme [CPR] IN

അതേസമയം, തൃശൂരിൽ കെ മുരളീധരനും ആലപ്പുഴയിൽ കെ സുധാകരനും വേണ്ടി ഫ്ലക്സ് ബോർഡുകൾ സ്ഥാപിച്ചതും വിവാദമായി. കെ മുരളീധരനെ വിളിക്കൂ, കോൺ​ഗ്രസിനെ രക്ഷിക്കൂ എന്നെഴുതിയ ഫ്ലക്സ് ബോർഡുകളാണ് തൃശൂരിൽ പ്രത്യക്ഷപ്പെട്ടത്. കെഎസ് യു, യൂത്ത് കോൺ​ഗ്രസ് പ്രവർത്തകരുടെ പേരിലാണ് ഫ്ലക്സ് ബോർഡ് സ്ഥാപിച്ചിരിക്കുന്നത്. ആലപ്പുഴയിൽ ജില്ലാ കോൺ​ഗ്രസ് നേതൃത്വത്തിനെതിരെയാണ് ഫ്ലക്സ് ബോർഡ്‌ പ്രതിഷേധം. ജില്ലാ കോൺ​ഗ്രസ് നേതൃത്വത്തെ മാറ്റണമെന്നും സുധാകരനെ വിളിക്കണമെന്നുമാണ് ആവശ്യം.

തദ്ദേശ തെരഞ്ഞെടുപ്പിലെ പരാജയത്തിന് പിന്നാലെ കോൺ​ഗ്രസിനെതിരെ വ്യാപക പോസ്റ്റർ പ്രതിഷേധം അരങ്ങേറുകയാണ്. കെ. സുധാകരനെ കെ.പി.സി.സി അധ്യക്ഷനാക്കണമെന്ന് ആവശ്യപ്പെട്ട് കെ.പി.സി.സി ആസ്ഥാനത്ത് കഴിഞ്ഞ ദിവസം ഫ്ലക്സ് ബോർഡുകൾ പ്രത്യക്ഷപ്പെട്ടിരുന്നു. യൂത്ത് കോൺഗ്രസിന്‍റെയും കെ.എസ്.യുവിന്‍റെയും പേരിലായിരുന്നു ബോർഡ് വച്ചത്. തിരുവനന്തപുരം ഡി.സി.സിയിലും ഫ്ലക്സ് ബോർഡ് പ്രത്യക്ഷപ്പെട്ടിരുന്നു.

BharatMatrimony [CPR, Android] IN RealMe [CPS] IN


 

LEAVE A REPLY

Please enter your comment!
Please enter your name here